Popular Bible Verses from Mateo 10

Share

—¡Ũrítɨ! Mɨa parã pëiru eperãarãmaa jarateede. Pëiru ovejaarã pëikꞌajikꞌa ne–animalaarã kꞌachia beerã tꞌãide. Mapa kꞌĩra kꞌawaa nipapatáatɨ, taama kꞌĩra kꞌawaa nipaparikꞌa. Ichiaba kꞌãiwee nipapatáatɨ paloma nipaparikꞌa.

Eperã piuamaa bɨ pɨrã mɨde ijãapari kꞌaurepa, mãgɨ́ piukꞌãri, atuaitꞌee. Mamĩda eperã piuru pɨrã mɨde ijãapari kꞌaurepa, mãgɨ́ eperã piukꞌãri ɨtꞌaa wãitꞌee.

Waaweenáatɨ parã jɨrɨ pꞌanɨɨrã peedaitꞌee, ãrapa parã pꞌoyaa atuapida–e perã tokꞌarradee. Ma kꞌãyaara Tachi Akꞌõre waawéetɨ. Iruata tachi piupii mãikꞌaapa atuapii.

Ma awara mɨde ijãapari kꞌaurepa eperã piuamaa bɨ pɨrã kurusode piu wãkꞌa, mãgɨ́ mëré pa–e paitꞌee.

—Eperãpa tau taawa jararu pɨrã ichi Jesucristode ijãapari, mɨa pida jarai: “Mãgɨ́ mëré” mɨ Akꞌõre kꞌĩrapite ɨtꞌari. Mamĩda eperãpa meraru pɨrã mɨde ijãapari, mãgara mɨa pida meraitꞌee. “Mãgɨ́ mëre–eda” aitꞌee mɨ Akꞌõre kꞌĩrapite ɨtꞌari.

Kꞌayaa beerã jɨpátɨ; piudapꞌedaarã chokꞌai pꞌirabaipítɨ; leprapa kꞌayaa beerã jɨpátɨ mãikꞌaapa netuara kꞌapꞌɨade merãtɨa bee jɨpátɨ. Mɨa parã mɨchi jua ekꞌari bɨkꞌãri mãga oodamerã, pꞌaratꞌa maarepida iidi–e paji. Mapa pꞌaratꞌa iidináatɨ ma pari.

Parã puda paara irua juasia iru bɨ. Mapa waaweenáatɨ, Tachi Akꞌõrepa parã kꞌiniara iru bapari perã ipanaarã kꞌãyaara.

—Kꞌĩsianáatɨ mɨ cheji na pꞌekꞌau eujãdee eperãarã kꞌãiwee pꞌanapide. Jĩpꞌa cheji chõopide.