Popular Bible Verses from Hechos 11

Share

Unu atakꞌãri, ateeji Antioquiadee. Mama pꞌaneejida año aba ijãapataarã ome jarateemaa Cristopa ooda eperãarã kꞌaripaitꞌee. Eperãarã chokꞌaraarãpa ãchia jarateeda ũripachida. Antioquía pꞌuurude naapɨara Cristode ijãapataarã tꞌɨ̃ bɨjida Cristodeerã.

Panakꞌãri, Bernabepa unuji Tachi Akꞌõrepa ãra kꞌaripada. Mapa o–ĩadachi. Ũraaji tꞌãripa Cristode ijãadamerã mãikꞌaapa irua oopi bɨkꞌa oodamerã. Bernabé eperã tꞌãri pia bapachi. Cristode pia ijãapachi mãikꞌaapa oopachi Tachi Akꞌõre Jaurepa oopi bɨkꞌa. Maperã eperãarã chokꞌara Cristode ijãajida iru kꞌaurepa.

Mãgá mɨa kꞌawaaji Tachi Akꞌõrepa ichi Jaure ba chepi kꞌinia bɨ ãra ome tachi ome ba chepidakꞌa, aukꞌa ijãapata perã Tachi Waibɨa Jesucristode. Mãga bɨta ¿sãga mɨa Tachi Akꞌõrepa ooda kꞌachia bɨda ayama? aji. Jerusalendepema ijãapataarãpa mãga ũridakꞌãri, kꞌĩupꞌee para beeji. Maapꞌeda ɨtꞌaa tꞌɨ̃jida Tachi Akꞌõremaa. Mãgajida: —¡Mãgara Tachi Akꞌõrepa ichi Jaure judio–eerã kꞌapꞌɨade ichiaba ba chepiitꞌee, kꞌachia oodaamaa pꞌaneedakꞌãri mãikꞌaapa Jesucristode ijãadakꞌãri! ¡Mãgá ichita iru ome chokꞌai pꞌanapataadaitꞌee!