Popular Bible Verses from Apocalipsis 11

Share

Txajũ' Dxus angel sietetewe'sxwa txajx trompeta's tujkak, aça' seena' sus we'wenisa pthũuse'tx cielujũ na'jĩna: Naa kiwete jxkaahna ũsnisa' jxuka kwe'sx Tata vxite' txajx Txhitxhnisa Kristo txãawe'sx jĩiçxaçxáatx yuuna pa'j. Aça' ãçxha' txãaçxaçxáa jxkaajana bagaçxtewa jĩnatx we'we.

Naa kiwete nasa' idxa's ahçetx, nawa txãawe'sxtxi kastigãywa'j ena' ãjk. Aça' txã'wẽy uusaawe'sxtxiwa kastigaĩne'ga. Sa' walasa ma'tx yuu meeçxa' le'çxkwesa ma'tx yuu nawa idx yakh txutemée fxi'zeçxa iidx yase's açewe'wesameewe'sxtxi' deweene'ga ew yũuna iidx yuwe's pta'sxna selpiina fxi'zepa'ga. Naapkaçxha' naa kiwete suwna ũssawe'sxtxi's ka'tu' ivxiitune'ga jĩnatx we'we.

Naapkaçxha' adxna selpisáa e'z kaja'nja, adx yuwe's mil doscientos sesenta en ãhpkaçx pta'sxna ũskahn. Txãawe'sxa' nasa uute nxusna athnisa ropa khũçxsa ji'ph yuutxna.

Nawa uuníi tekh en ẽepxãh skhẽwniijũ', Dxusa' ĩtxĩ vxitku aça' ki' kiitetx. Txã'wẽ yũute', iiméh seena' wala ũukhtxi jxukaysa uyna ũssawe'sxa'.

Aça' txãa selpisaawe'sxa' cielu's aphya' ãjãwa'jsata', Dxus yuwe's pta'sxwa'j en pçuupkaçx nus pa'khamen. Sa' yu'a'swa eeçxaçxáa vxit-ya' ãjãçxa seena' wala kxũusu'jwa'jsata' naa kiwete kĩh weewa nuypa'jna, txãawe'sxtxi ma'wẽ yũuweçxtewa txã'wẽ yũutxna.

Txãa e'zsawe'sxa' e'z oliwo fxtũ tasx ũsu'tx txã'wẽsata', vxite' bela txaahni e'z ũsu'tx naa kiwete Dxus tasxte txã'wẽsaíiçxáata'. Txãawe'sxtxi' maaíi yu' pkxuu wẽjẽwáatxna, nawa txãawe'sx yuwesu ipx kasehçxa jxuka kabuna açesawe'sxtxi's. Aça' txã'wẽ yũute', maawa pkxuu wẽesa' uu en ji'phutxna.