Popular Bible Verses from 1 Pedro 3

Share

wejxwa i'kwe'sx ũuste jxkaahsa Kristoçxá's weçxana mneewe'wewe. Na'wẽ i'kwe'sxtxi kaapiya'jni's jii i'kwe txã'sna paapẽysatxi's pasya' thaamemée meswe bagaçxtewa, sa' ũusçxa we'wemée ewçxáa mpaaswe. Txã'wẽ ew yũuçxa mfxi'zewe, i'kwe'sx ũuste yuuwemeetha'w sũhwa'jçxáa ũusuthekahn, kxah Kristo yakh ew fxi'zesatx e'sga ewmée nuywe'wesawe'sxa' thaameetxna, txã'wẽ i'kwe'sxtxi ewmée nuywe'weçxa'.

Txãa pa'gatey Dxusa' jxpe'je'k ew yũusatxi', Sa' Dxusa's pakwen neewe'weni's wẽse'je'k. Nawa ewmée yũusatxi' txã'wẽ yũ'çme' jĩ'k.

I'kwe'sxa' peekx kakwe ãakhẽwe'sxçxá's txakwe wala zhiçxkwesa ki'pna pheu'jwa'j ji'phmée i'kwe, wejxwa ũuste txã'wẽ zhiçxkwe mpheu'jwe, ew yũuwa'jçxá's yajkxna, vxitesa yakh puiimée fxi'zewa'ja'sçxáa pakwena. Txãaçxáa thaakwe ewsa' Dxus dxi'pte.

Txã'wẽ yũuwa'ja's na'wẽk pta'sxi' Dxus librute: Maawa ewçxáa wẽt fxi'ze wẽeçxa', Peekx thune's ewmée we'wekahmen jxpa'yakxçxa I'kwe'sx yuweju ĩsxiinuwe. Ewmeejũ txuteeçxa, ewçxáa yũuna Puiimée fxi'zewa'jçxá's pakweçxa uu entepkaçx txã'wẽ yuuçxáa fxi'zewa'ja'.

Jxukaysa i'kwe'sxa' ewçxáa yũuna mfxi'zewe, vxitesatxwa teeçxsa na'wẽçxah peeygãhna. Weeçx yajkxmée zhiçxkwe puutx we'wena yakhthẽ'j pwe'sx na'wẽ mfxi'zewe. Ewmée yũusa's ka'tuwa txã'wẽy ewmée yũuwa'jme', sa' wẽesxute', txã'wẽy ka'tuwa wẽesxuwa'jme', wejxwa txã'wẽ yũusatxi' ka'tu yu' ewçxáa myũuwe. Txã'wẽ ewçxáa yũukahn íiçxáak Dxusa' i'kwe'sxtxi pa'yaçxa txakwe wala ew yũu.

Bagaçxtewa i'kwe'sxa' ewçxáa yũuçte', ¿kim txã'wẽ ka'tu' ewmée yũukx?

Ewmeejũ txuteeçxa, ewçxáa yũuna Puiimée fxi'zewa'jçxá's pakweçxa uu entepkaçx txã'wẽ yuuçxáa fxi'zewa'ja'.

Wejxwa ewmée yũuçxa nxus knayupkaçxte, ew yũupa'ga nxus knayni wejx ewa', Dxus yuu txã'wẽ jxthãas yã'the'.