Popular Bible Verses from Galesia 5

Share

Hako Avui Wasilaka Masikome orhi unda maka maka lihi karem nanak ji heyekwa lir, man rupshinda, rupkapshi linda, anafaha linda, kolok waplelenanda ambu, man jelyaha lirin armek unda, sitambanaha nombo wornakop sinda, hafakaha hangisha linda, orhinjik ruwol tava olo linda. Lo las mbeek nombo kandon pantlenda ambu sir.

Mashi os jirin a sawekwa karem, sungu masi nihi nga Avui Wasilaka Masikome orhi nga sungu akome nihik fri sihi anasi anatukruhu wutarik nanda vri. Karem uwak mbele mbele jivi os ni ukwak ni hishiwa mbeek ni unda ambu sir. Uwosik jirin a sawekwa karem, Avui Wasilaka Masikome orhin ji halashinak or saumukoloshinak os or mbawa hom ji yaka. Os erem ji u nahi, jir mbeek sungu masi si mbawa nombon tiyakwa ambu jir, wahau. Avui Wasilaka Masikome orhi mbawa hom tiyakwa jir.

Avui Wasilaka Masikome orhi ushirik ma akrik ni nari nir. Undosik ni halashinak nirin or saumukoloshinak ni yaka.

Ma ol Kraishi krahak sinda ondo mbele mbele kava ol sungu masi lihi mbaskashirik li undari ondo angop miando Jisashik er nga li tlolori lir.

Sungu masik tasanda maka maka lihi karem nanak ji heyekwa ola, wapkava si rasawak wapkava hishihi os si mbawa hom nokophirmbirik yanda, ma tavak li unda godin lotu unda, singalanda, anaji anangriyaha wutarik nanda, mahi mbele mbelen lakwak angrasoho landa, aulekombek ewenda, orhikop or hishihi mbeek ma anandi nga hishinda ambu, anakoroho lihi lihik sinda, wapkava hishinda, uku kavan aha ambarambasihi ushandashi yanda, uhu kavakavak nanda lal ngana. Angop jirin mas a sawenda hom os amu jirin indik sawenduwa, ji auheyeka, erem unda ma ondo mbeek Avui Wasilakahi yanga jivi orok layikwa ambu lir, wahau.

Jisasin hishindiyanda ma jirin ji misi, Avui Wasilaka angop jirin or kamashindak jip linda jir, mbeek lohi siyok sinda ambu jir. Hako os karem ji hishihi ji mba, “An mbeek lohi siyok a sinda ambu nir. Uwosik halanak mbele mbele kava sungu masi anhi si hasahasawa hom a uka. Oso mberem uwana, an mbeek lohi siyok a sinda ambu nir.” Karem ji hishiwa, oso er ji halaka. Hako halanak karem ji hishihi ji mba, “An lohi siyok a sinda ambu nir. Hako ma amber a rupshihi mbele mbele jivi nom lirin a unda nir.” Karem ji hishika.

Mashi os jirin a sawekwa karem, sungu masi nihi nga Avui Wasilaka Masikome orhi nga sungu akome nihik fri sihi anasi anatukruhu wutarik nanda vri. Karem uwak mbele mbele jivi os ni ukwak ni hishiwa mbeek ni unda ambu sir. Uwosik jirin a sawekwa karem, Avui Wasilaka Masikome orhin ji halashinak or saumukoloshinak os or mbawa hom ji yaka. Os erem ji u nahi, jir mbeek sungu masi si mbawa nombon tiyakwa ambu jir, wahau. Avui Wasilaka Masikome orhi mbawa hom tiyakwa jir.

Lo amber hom li tirsarakoshiwak namtaskop karem mbanda sir, “Ma amber ji rupshika, os jihinjik ji rupshinda hom.”

Nihinjik ni yerkujihi hi nihin ni hauowewan ni hala. Mahi sunguwavun ni jeikayewan ni hala. Uhu mbele mbele mahin misokomlaka heyewan ni hala.

Mas Judamahi lo nirin si jelsa ushirik ni siri nir. Hako Krais jelsa oson angop or florshoshihindak os nimu jip linduwa. Uwosik kwambuk er ni sitambananak Judamahi lo oso mbeek ni halashinak indik nirin jelsa ukwa ambu sir.