Popular Bible Verses from Mboe 91

Share

na ni irao iso pa Anutu ta kembei: “Yooba Anutu tio, nio aŋpase pu. Pa nu we siiri mbolŋana pio mi poroukalkaala yo.”

Tomtom ta so ipase pa Anutu kor kana kat be iwe ur pini mi imenderkaali, mi Anutu mbura keskeezeŋana ikuubukaali

Zin sombe titaŋroro yo, nako aŋpekel kalŋan mi aŋuulu zin. Mi sombe pataŋana sa ikam zin, nako aŋbotmbot raama zin, mi aŋtatke zin pa pataŋana kizin, mi aŋpakur zin ma zan iwe biibi.

Pa Anutu ko iur sua pizin aŋela kini be timboro u mi matan pu pa pai ku ta boozomen.

Ni ko ikuubukaalu kembei ta man ikamam pa lutuunu bizin, bekena mbotmbot ndabok men. Mi mbulu kini ta itoto sua kini mbukŋana na, ko iwe siŋgiao pu mi iporoukalkaalu.

Ŋonoono kat. Yooba, nio aŋpase pa nu itum tamen be we ur pio mi menderkaala yo. Tana sombe Anutu kor kana kat iwe ur pu, mi imenderkalkaalu, na koroŋ sananŋana sa ko irao be ipasaanu na som. Mi mete sananŋana sa ko irao igarau ruumu ku na som.

Ŋonoono kat. Ni ko ipazalu mi ipiŋgis kumbum pa kilis ta kom koi bizin tiur pu na. Mi sombe mete sananŋana sa ipet, na ni ko iziiri ma imbot molo pu.

Sombe tomtom munŋaana men (1,000) timetmeete ma titoptop su zilŋom uunu, mi tomtom munŋaana laamuru (10,000) timetmeete su nomom woono, na moto pepe. Pa koroŋ sa ko ipasaanu som.

Tana nu ko moto kom pa koroŋ sananŋan ta tiwwa pa mbeŋ na som. Mi aigule tomini, ko moto kom pa kom koi bizin peene lutunlutun kizin na som. Tana mete sananŋana ta ikamam zin tomtom pa mbeŋ na, mi pataŋana ta ikazas zin pa aigule na, nu ko moto som.