Popular Bible Verses from Mboe 37

Share

Mbeeze pini raama lelem ambai. Naso ni ikam lem koroŋ ta lelem pa i.

Ur itum ila Yooba namaana mi pase pini. To ni ko iuulu u mi iso u pa zaala tabe to i.

Sombe uraata kizin wal sananŋan iloondo ambai men, mi tiyo len koroŋ boozo pa zaala sananŋana, na kam ŋgar boozo pizin pepe. Ur nim men mi sa Yooba be iur kadoono pizin.

Mi nu na, pase pa Yooba mi kam mbulu ambaiŋana men. Naso mbotmbot ambai su toono ta ni ikam pizin wal kini na, mi kosa sa ko ipasaanu som.

Yooba izzo iti tomtom pa zaala kini, mi ipombolmbol ti be toto. Mi tomtom ta so itoto zaala kini, na Yooba ko leleene ambai pini. Tomtom ta kembei, sombe itutkat kumbuunu, nako irao imel na som. Pa Yooba itunu ta ikiskisi.

Mi ko iswe mbulu ku ndeeŋeŋana ma ipet kat mat, kembei ta zoŋ iyaara. Tana tomtom ko tikilaalu kembei mbulu ku ambai men, mi lem uunu sa isaana som.

Tana ketem malmal pepe, kam ŋgar boozo pizin pepe. Yaraama itum. Kokena ketem ibeleu, to kam mbulu sananŋana sa.

Indeeŋe ta nio naŋgaŋŋoŋ mi imar ma iŋgi aŋwe kolman i, na aŋre Yooba ipizil ndemeene pizin wal ndeeŋeŋan pasa zen. Mi aŋre wal ndeeŋeŋan lutun bizin tinono ruumu ma tizuŋzuŋ kan kini pasa zen.

Zin wal sananŋan ta timbotmbot ambai men na, kam ŋgar boozo pizin pepe. Mi zin wal ta tikamam ŋoobo mbulu na, motom mburmbur pizin pepe.