Popular Bible Verses from Mboe 34

Share

Zin wal ta tikototo zitun mi tiyamaana zitun kembei tirao som na, Yooba imbotmbot kolouŋana pizin. Mi wal ta so lelen ipata, na ni iuluulu zin ma lelen ambai mini.

Nio aŋsuŋ Yooba na, ni ileŋ suŋŋana tio mi iuulu yo. Ni itatke yo pa koroŋ boozomen ta aŋmototo na.

Pataŋana boozomen ko indeeŋe tomtom ndeeŋeŋana. Tamen Yooba ko itatke i pa pataŋana kini ta munŋaana men.

Yooba ni ambaiŋana kat. Ituyom kotoombo zaala kini to kere. Zin wal ta so tipase pini be iwe ur pizin mi imenderkaala zin, na ni ikampewe zin ma lelen ambai kat.

Zin wal ta so tiur matan pini mi tipase pini, nako lelen ambai kat mi menmeen zin. Pa zin ko tiur sorok matan pini na som.

Sombe wal ndeeŋeŋan titaŋroro Yooba be iuulu zin, na ni ko ileŋ zin, mi itatke zin pa pataŋana kizin ta boozomen.

Zin wal ta timototo Yooba mi tileŋleŋ la kalŋaana na, aŋela kini imenderkalkaala zin. Mi ni itatkewe zin pa pataŋana kizin.

Mi kipizil ndemeyom pa mbulu sananŋana, mi kakam mbulu ambaiŋana men. Kakam kinkiini pa mbulu luumuŋana. Kuru zaala be niomŋan tomtom ta boozomen kaparlup yom ma kombot ambai.

Na komboro kat kwoyom. Kokena sua sananŋana sa, som pakaamŋana sa ipet pa kwoyom.

Wal ndeeŋeŋan na, Yooba mataana pizin. Mi ni ileŋleŋ tiŋiizi kizin.

Tana niom kamar mi itiŋan tulup kwondo mi tosoyaara Yooba uruunu. Tapakur zaana ma isala ta kor a. Pa ni ta biibi ŋonoono!