Popular Bible Verses from Mboe 139

Share

Tana nio aŋmoto u mi aŋpakuru. Pa nu pa ndel kat. Mi uraata ku boozomen ta kembena. Ipa ndel kat. Nu ute yo ma imap.

O Anutu, tiiri leleŋ mi ŋgar tio. Toombo yo bekena ute kat ŋgar ta imbot la leleŋ i. Tiiri yo to re: Nio aŋtoto zaala sananŋana som. Mi pazalzal yo bekena aŋto zaala ku ndabokŋana. Naso aŋbot ambai ma alok.

Nu ta ur leleŋ. Mi nu ur koroŋŋoŋ ta boozomen, mi lup lela anaŋ kopoono leleene mi aŋsu.

Tana aŋbotmbot lela anaŋ kopoono, mi nu re yo kek. Mi aigule ta munŋaana men tabe aŋbotmbot su toono i, na lelem iur pa mi tibeede se ro ku, mana anaŋ ipeebe yo ma aŋsu.

Yooba, nu itum tiiri kat leleŋ mi ute yo ma imap.

Nio sombe leleŋ be aŋko molo pu, nako aŋla ki parei? Som. Pa aŋrao be aŋke pa motom na som.

Nio, sombe keteŋ su, som aŋmaŋga mi aŋla pa uraata, na nu ute. Pa nu motom molo. Tana ute ŋgar tio ma imap.

Yooba, sua ta leleŋ iurur pa mi ipet pa kwoŋ zen i, ina tomini, nu ute ma imap.

Sombe aŋpa ma aŋla lele sa, som aŋur motoŋ ri mi aŋkeene leŋ, na nu rre yo. Tana nu ute mbulu tio ta boozomen.