Popular Bible Verses from Mboe 119

Share

Sua ku, ta iurur mat pio kembei ta kai i, mi izzo yo pa zaala tabe aŋto.

Nio aŋur sua ku ila leleŋ be ipombol yo: Kokena aŋkam mbulu sa ta irao pa lelem som.

Naŋgaŋ sa, sombe leleene be mataana iŋgal itunu mi ikam mbulu ta iŋgeeze men pa nu motom, nako ikam parei? Bela mataana iŋgalŋgal sua ku mi itoto.

Pa zin tomtom tau matan iŋgalŋgal zaala ta Anutu iur pa wal kini na, mi titoto ka tutu, mi tiur lelen imap ma ila kini mi tikam kinkiini be tiute kati, na zin ko lelen ambai, mi kampeŋana biibi imbotmbot se kizin.

Nu we ur pio be aŋke lela, mi nu we siŋgiao pio mi poroukalkaala yo. Tana aŋpase pa sua ku mi aŋzza be iur ŋonoono.

Kam leŋ ŋgar pa sua ta nu kam piam. Naso motoŋ iŋgalŋgal, mi aŋtoto raama leleŋ.

Zaala ta nu ur pa wal ku na, kam yo ma aŋur kat leleŋ pa ka tutu. Kokena motoŋ koroŋŋoŋ mi aŋru zaala be aŋdoundou leŋ koroŋ boozo.

Pataŋana ta muŋgu ikam yo na, koroŋ ambaiŋana. Pa ipazal yo mi ipei ŋgar tio pa tutu ku ta tibeede pataaŋa kek na.

Sombe pataŋana ikam yo, na sua ku ko iuulu yo be aŋbot ambai. Ŋgar tana, ta ipotor leleŋ.

Pazal yo be aŋto zaala ki tutu ku. Pa zaala tana, ta ko ikam yo ma leleŋ ambai kat.

O Yooba, tutu ku ta tibeede pataaŋa kek na, paute yo pa ka zaala. Naso motoŋ iŋgalŋgal mi aŋtoto ma irao swoŋ imap.

Nio leleŋ ipata ma mburoŋ imap kat. Tana to sua ku, mi pombol yo mini.

Sua ta nu kam piam na, nio leleŋ pa ilip! Tana zoŋ ise ma ila zoŋ isula na, motoŋ ilala pa mi aŋrru ka ŋgar.