Popular Bible Verses from Mboe 112

Share

Sombe ni ileŋ uruunu sananŋana sa, na irao imoto na som. Pa ipase pa Yooba, mi urlaŋana kini imbol kat.

Haleluya! Tomtom ta so imototo Yooba mi ileŋleŋ la kalŋaana, mi leleene pa tutu kini ilip, nako leleene ambai kat. Pa kampeŋana ki Anutu ko imbotmbot se kini. Mi popoŋana kini ko tiwe wal zanŋan mi ndeeŋeŋan. Tana zin wal ta timbotmbot toono ti, nako matan ikot se kizin, mi kampeŋana ki Anutu imbotmbot se kizin.

Tana kopoono rru som, mi imototo som. Izza men mi iurur mataana pa Anutu be ikoto ka koi bizin.

Tomtom ndeeŋeŋana, sombe imbotmbot la zugut biibi leleene, na mat ko iyaara pini. Mi ni leleene izanzaana pa zin mbesooŋo kini, mi imuŋaiŋai zin mi ikampewe zin.

Tomtom ta so imuŋaiŋai zin tomtom, mi irairai koroŋ kini pizin, mi ikamam katkat mbulu pizin, nako imbot ambai.

Tomtom ndeeŋeŋana ta kembei na, toomboŋana sa ko irao be itoki na som. Mi tomtom ko tikamam ŋgar pini mi matan iŋgalŋgal mbulu kini, mi iseeŋge iseeŋge ma ila.