Popular Bible Verses from Mboe 103

Share

Leleŋ ko imap ipakur Yooba pa kampeŋana kini. Mi mbulu boozomen ta ni ikamam be iuulu yo na, irao motoŋ mbeleele na som.

Ni irekreege sanaana tio ta boozomen, mi iurpewe mete tio ta munŋaana men. Mi itatkewe yo pa meeteŋana. Mi ikampewe yo biibi kat, mi iurur leleene pio mi imuŋaiŋai yo. Ni ipomosmoozo yo pa koroŋ ambaimbaiŋan matakiŋa, tana ikam yo ma aŋbot ambai kat. Mi ipombolmbol yo ma mburoŋ imilmiili mini kembei ta naŋgaŋ kaibiim. Tana aŋbol ma aŋbotmbot kembei ta manmboŋ.

Leleŋ ko imap ipakur Yooba pa kampeŋana kini. Ŋonoono kat, leleŋ, mburoŋ, mi koroŋŋoŋ ta boozomen ko imap ipakur Anutu tio zaana. Pa ni potomŋana! Mbulu kini ipa ndel kat.

Zin wal ta timototo Yooba mi tiurur lelen pini na, ni leleene izanzaana pizin kembei ta pikin taman bizin lelen izanzaana pizin.

Kere. Lele pakaana ta zoŋ izze pa i, mi pakaana ta zoŋ izulla pa i, tipargarau zin? Som. Timbot molo kat. Mi Yooba ikamam pa sanaana kiti ta kembena. Izirziiri ma ila imbot molo kat piti.

Yooba, ni leleene izanzaana pizin mbesooŋo kini, mi imuŋaiŋai zin mi ikampewe zin. Ni keteene malmal karau som. Mi itoto sua kini mbukŋana mi iurur kat leleene pa wal kini.

Mbulu ta takamam ŋoobo na, ni irao iŋgal kat matanda pa. Tamen ikamam ta kembei som. Imuŋaiŋai iti, mi ipokotkot kat sanaana kiti som. Muŋaiŋana ta Yooba izzwe pizin wal ta timototo i mi tileŋleŋ la kalŋaana na, isala ta kor a, kembei saamba imbot kor kat pa toono.

Yooba iur muriini peeze kana isu saamba. Ni king biibi ta ikamam peeze pa koroŋ ta boozomen.