Popular Bible Verses from Sua Tutŋana 4

Share

Motom iŋgalŋgal be mboro kat lelem. Ina koroŋ biibi ta ilip pa koroŋ ta boozomen. Pa lelende ta ipiyotyooto mbotŋana kiti.

Motom iŋgalŋgal kumbum be itoto kat zaala ndeeŋeŋana. Naso pa pai ku ma ambai men, mi irao yasipir na som.

Mi mboro kat kwom tomini: Kokena sua sananŋana, som pakaamŋana sa ipet pa.

Kam kinkiini pa ŋgar ambaiŋana. Pa ina ilip pa koroŋ ta boozomen. Tana ru zaala be kam lem ŋgar ambaiŋana. Sombe zem koroŋ ku ta boozomen ma ila bekena kam lem ŋgar ambaiŋana, na ila lak! Nin pepe.

Tana zin wal sananŋan titoto zaala ki zugut biibi. Mi koroŋ tabe titutkat zin sala ma sursur ma tila kaŋkuruŋ su na, tikilaala som. Tamen wal ndeeŋeŋan na, zaala kizin toro. Mbotŋana kizin kembei zoŋ mataana ta pok ma ise, mi iyaara iyaara ma ila irao aigule palakuutu, to ka azuŋka biibi kat.

Pizil ndemem pa ŋgar ambaiŋana pepe.

Sua tutŋana ta aŋkam pu na, zem pepe. Motom iŋgalŋgal mi kiskis la lelem. Pa ina ko ikamu ma mbot ambai.

Zaala ta zin wal sananŋan titoto na, ur kumbum ise ri sa pepe. Kokena gaaba zin mi to zin pa mbulu kizin. Tana pizil ndemem pa zaala kizin mi mbotmbot molo pa. Motom iŋgalŋgal zaala ambaiŋana men mi toto.

O lutuŋŋan, tomoyom ta nio i. Keleŋ sua tio tutŋana ti mi motoyom iŋgalŋgal. Naso ŋgar tiom ipet mi kikilaala ŋgar iŋgoi ta ambai ma ilip.