Popular Bible Verses from Sua Tutŋana 10

Share

Kampeŋana ki Yooba, ta ikamam lende koroŋ boozomen. Mi koroŋ ta so ni ikam piti, nako ka pataŋana sa som.

Sombe nu kwom suaŋom, na re u. Pa nu kola kam sanaana. Irao kam som na som. Mi tomtom ta so imborro kat kwoono, na ni tomtom ŋgarŋana.

Mbulu ki tuurur koi, ina ikamam ma ŋoŋi imbotmbot la mazwanda. Mi sombe tuurur lelende pizin tomtom, nako matanda mbiriizikaala sanaana kizin, mi takam ŋgar pa mini som.

Sombe namanda ikamam kat uraata som, nako tombot ŋoobo. Mi sombe namanda ikamam kat uraata, nako lende koroŋ boozo.

Tomtom ta so ileŋleŋ la sua pazalŋana, na imbotmbot la zaala ki mbotŋana ambaiŋana kek. Mi zin wal tau tileŋtut sua pazalŋana, nako tiyaaru zin tomtom pakan ma tipaŋoobo pa zaala ambaiŋana.

Tomtom ta so ipa pai kini ma ambai men, na kosasa ko irao be ipasaana kati na som. Tamen zin wal ta tipaŋobŋoobo pa zaala ambaiŋana na, kaimer mbulu kizin ta tikamam ki keŋana na, ko imbot kat mat mi tomtom tiute.

Sombe tomototo Yooba mi teleŋleŋ la kalŋaana, nako iseeŋge swondo ma molo. Tamen ni iyembutmbut wal sananŋan swon bekena timeete ma tila len karau men.

Wal ndeeŋeŋan na, Yooba irao izem zin ma tikan peteele na som. Mi koroŋ ta wal sananŋan lelen pa i na, ni ipiŋgisŋgis pizin.

Pataŋana biibi ko ipambiriizi zin wal sananŋan. Tamen wal ndeeŋeŋan ko timendernder mbolŋana ma alok.