Popular Bible Verses from RUM 10

Share

Kenat péh hun keh bara' Yésus éh pengeja'au ké' ngan kenelan éh kenat mu'un lem kenin ko' ngan ngelan tong Allah lepah pebetéé' Kristus jin belah kelunan éh matai, boh keh omok jian kepéh ngan Allah nah.

Hun ko' ngelan éh kenat mu'un ngan bara' éh kenat ngan irah éh jah kepéh, boh ke' omok murip.

Hun kelunan menéng ha' tebaraa' Tuhan, boh réh omok ngelan, inah éh hun lu' bara' Rengah Jian tong Kristus ngan réh.

Uban pu'un jah ha' lem surat Allah kepéh éh bara', Kekat kelunan éh ngelan tong Iah, bé' iah pu'un pekawaa', ha' Néh. Neu' ha' lem surat Allah kenat, lenaa' mu'un irah Yahudi péh ngan kelunan éh tengéé' pohoo' péh pekua' awah jalan réh alaa' urip Tuhan. Uban jah de' ke' Allah éh Tuhan kekat kelunan béé, Iah pika séé'-séé' kelunan éh menyat pika jin Iah. Barei' ha' lem surat Allah, Siget-siget kelunan éh tebai tong ngaran Tuhan omok éh alaa' urip, kenat ha' lem surat Allah.

Kineu' jalan réh omok tai nebaraa' réh da', hun néh bé' jak pu'un nyohoo' réh tai? Barei' ha' lem surat Allah éh bara', Jian mu'un savéé' kelunan éh mihin Rengah Jian, ha' Néh.

Kineu' réh omok menyat pika jin Tuhan da' né' bé' réh jak ngelan tong Iah. Kineu' réh omok ngelan da' né', bé' réh sakui menéng ha' tebaraa' Tuhan? Kineu' réh omok menéng ha' tebaraa' Néh nah da' né' bé' pu'un kelunan bara' éh ngan réh.

Uban usah Kristus tengéé' lepah tuai ke' Néh pesukup kekat ha' lem Surat Musa, dokoo' siget-siget kelunan éh ngelan tong Yésus, omok éh jian kepéh ngan Allah.