Popular Bible Verses from ÉH POLÉNG 17

Share

Pu'un réh ngelawan Anak Domba nah, bang Anak Domba nah pemung ngan irah éh tenebai Néh ngan kevéléé' Néh, irah éh tigéh, pu'un réh nyopéé' réh teleu' raja inah, uban Anak Domba nah éh Pengeja'au bau kekat pengeja'au, ngan Raja bau kekat raja' péh, ha' néh.

Boh jah usah jin ketujuu' meliket éh pu'un tujuu' pigan nah, tuai tavin ku' ngan bara' ngan ké' ka' ha' néh, Tuai ke', boh akeu' bara' tong ukum éh tong redo petuyang, inah éh leboo' ja'au éh pu'un déhéé' baa' pinaa'.

Ka'an éh ta'an ko' nah, inah pu'un éh murip sahau bang hun iteu' bé' éh murip la'ah, bang danii' jaka' néh juk musit jin luvang éh dilem, ke' Tuhan kebéé éh pelinguh. La'ah kekat kelunan tong tana' éh bé' pu'un ngaran senurat lem surat urip bé' jak tana' iteu' senuai, adang irah inah béé kenin na'at ka'an inah. Ka'an inah sahau pu'un éh murip, hun iteu' bé' éh murip la'ah, bang pu'un éh juk poléng kepéh.

Tong sela' néh pu'un ngaran, éh sin tong ngaran inah pelim, ka' éh, Babel ja'au éh tinen kekat kelunan éh petuyang ngan kekat irah éh maneu' ineu'-ineu' barék éh sa'at tong tana' iteu' kenat ngaran éh tong sela' néh.