Popular Bible Verses from MARKUS 6

Share

Pinaa' mu'un kelunan tavin réh, pah avéé' réh bé' lah sakui kuman, boh Yésus bara' ngan irah bakéh néh, ka' ha' néh, Jian tam tai tana', ke' tam omok posot jak, dai tam pelapah mutau da', ha' néh.

Ha' Yésus ngan réh, Kelunan éh nabi Tuhan, pu'un réh sepah éh semah-semah péh. Bang tong leboo' néh ngan belah panak néh ngan belah lua' néh tengéé', bé' réh pu'un sepah éh.

Hun Yésus musit jin alut nah, boh éh na'at kelunan pinaa' nah pu'un sinah, ngan penika néh mu'un-mu'un réh, uban réh pekua' domba éh bé' pu'un kelunan mihau. Uban néh kenat Iah nebaraa' réh, pinaa arong ha' tebaraa' néh nebaraa' réh.

Bé' Yésus omok maneu' telana' éh ja'au tong leboo' néh, bang Iah mapai ojoo' Néh bau jelua' kelunan éh sakit ke' Néh peka'o réh. Béé kenin Néh uban irah pohoo' Néh nah bé' ngelan Iah.

Boh Yésus alaa' lemah roti ngan duah seluang ri', boh Éh nenganga' na'at kebau, ke' Néh bara' jian kenin ngan Allah, uban ka'an inah. La'o inah boh Éh mutip éh ke' Néh mena' éh ngan irah éh bakéh Néh, dokoo' réh omok petulat éh ngan kelunan pinaa' nah. Kenat ke' éh maneu' seluang éh duah nah, Iah petulat éh ngan kekat réh béé. La'ah kekat irah béé kuman éh pah avéé' réh beso. La'o réh kuman nah, boh irah bakéh Yésus tipun kekat la'an éh uban kinan réh jin roti ngan jin seluang nah, penoo' jah poloo' duah gaweng keto utaa' néh.