Popular Bible Verses from MARKUS 12

Share

Ka' ha' Yésus mipa éh, Éh pelapah ja'au éh tekep kenivu mu'un, iteu' éh, O kekat kelunan Israel, Tuhan Allah éh kenelan lu', Iah awah éh Tuhan mu'un. Tekep ke' murung Tuhan Allah ngan kekat kenin ko', ngan kekat urip ko', ngan kemekat penyeruh ko', ngan kekat pengegahang ko', inah éh sohoo' Néh éh pelapah ja'au. Sohoo' éh keruwah inah éh, Tekep ke' murung padéé' ko' pekua' ke' murung usah ko' tengéé'. Bé' pu'un ineu'-ineu' sohoo' éh jah éh pelapah ja'au jin duah sohoo' iteu', ha' Yésus ngan néh.

Boh Yésus tebai irah bakéh Néh ke' Néh bara' ngan réh, ka' ha' Néh, Redo baleu' inah mena' éh pelapah ja'au mu'un jin pengena' irah pinaa' nah. Kelunan kaya' nah pu'un réh mena' jin pengemutaa' réh awah, bang redo baleu' inah kari mu'un éh, pu'un éh mena' kekat éh pu'un tong iah, ha' Yésus ngan réh.

La'ah Yésus mokoo' déhéé' jalan kelunan modoo' rigit Tuhan tong Umaa' Allah. Iah na'at kuraa'-kuraa' usah réh tuai mihin rigit réh ke' réh mena' éh ngan Tuhan. Jelua' réh kelunan kaya' ngan pinaa' rigit nena' réh. Boh éh na'at jah redo baleu' éh kari mu'un. Tuai éh ke' néh mena' duah tasap sin.

Adang éh tekep kelunan murung Allah ngan kekat kenin néh, ngan kekat urip néh ngan kekat penyeruh néh ngan kekat pengegahang néh, ngan adang éh tekep kelunan murung irah éh jah pekua' néh murung usah néh tengéé'. Kejam ké' éh kenat adang éh pelapah jian hun kelunan pu'un kivu duah sohoo' inah jin hun néh mihin ka'an ngan motong éh ke' néh tavin Tuhan ngan mena' kuraa'-kuraa' pengena' éh jah ngan Tuhan, ha' guru nah pané ngan Yésus.

Hun néh kenat ha' Yésus Jian Keh mena' ngan Raja' Rum kekat éh anah Raja' Rum ngan jian keh mena' ngan Allah kekat éh anah Allah, ha' Néh. Béé kenin réh menéng ha' Yésus pané kenat.