Popular Bible Verses from IBRANI 5

Share

Bang sin ka'an, inah éh ngan irah éh lepah ja'au. Kelunan éh ja'au nah, neu' kuraa'-kuraa' koléé' néh pekalai iah jam éh jian ngan éh sa'at péh.

Lepah lebéé' tenéh keh pu'un kivu Tuhan ngan pekalai, sukup kelebéé' keh omok nebaraa' irah éh jah. Bang na' péh kenat kelebéé', to de' ke' keh bé' nesen mu'un, ngan ka'ah ngelan kelunan nebaraa' keh keto tong ha' tebaraa' éh bu'un-bu'un nenéng keh. Ka'ah météé' awah, bé' jak keh jam kuman sin ka'an. Irah éh météé', anak keto réh, bé' réh jam seruh éh mah éh jian ngan éh mah éh sa'at.

La'ah na' péh Yésus nah Anak Allah mu'un, Iah pekalai tigéh neu' kekat pengeketa éh teneng tong Néh. Uban néh kenat jin la'o Iah lepah sukup mu'un, Iah ke' éh jalan alaa' urip éh pelinguh tulat kekat kelunan éh tigéh tong Néh.

Hun Yésus pu'un tong tana', Iah sebayang ngan menyat mu'un ngan mangaa' bara' kekat pengenyat Néh ngan Allah éh pu'un penyukat ngelepu Éh jin pematai. Uban Yésus ngerera' ngan tigéh tong Allah, Allah menéng ha' pengenyat Néh.