Popular Bible Verses from 2 PÉTERUS 3

Share

La'ah bé' Tuhan tipa' maneu' kekat éh pejajii' Néh, na' péh jelua' kelunan seruh Tuhan tipa' maneu' éh, uban neu' Néh kebit kenin bé' Iah keloo' jah-jah usah péh matai lem penyala' néh, bang Iah keloo' kekat kelunan pekoléé' kenin jin penyala' réh.

O kekat bakéh ké', mai keh ngelepan ha' ké' iteu', tong ta'an Tuhan jah dau péh bé' éh tengéé' jin jah ibu ta'un. Jah ibu ta'un péh bé' éh tengéé' jin jah dau nah, pu'un éh pekua' awah.

Tekep ka'ah pepit lem penika Yésus Kristus. Tuhan ngan Éh purip lu' ngan tekep ka'ah péh pepit kepéh jam tong Iah. Jian uleu' mejing ngan peparen Kristus, hun iteu' ngan kelebéé'-lebéé' néh. Amin.

Bang Dau savéé' Tuhan inah, iah tioo pu'un avéé' barei' kelunan éh nekau. Tovoo' Dau inah langit pu'un béé pemung ngan ha' éh ja'au mu'un, ngan kekat éh tong langit péh pu'un potong béé. La'ah tana' iteu' ngan kekat éh pu'un tong néh juk salai béé.

Uban kekat inah juk béé kenat, kineu' tok ka'ah dalem urip keh hun iteu'? Adang éh tekep kekat urip keh pu'un ni'ai ngan pu'un lem nihau Allah kelebéé' keh mena tong Dau savéé' Néh. Ngan neu' kekat penganeu' keh kenat, inah jalan pesavéé' Dau inah rigah avéé'. Tovoo' Dau inah langit potong béé ngan kekat éh tong langit péh munyai neu' éh pana mu'un.