Popular Bible Verses from 1 TIMOTIUS 4

Share

Mai ke' kejeraa' séé'-séé' ngera' ke' ngan bara' ke' anak awah. Bang jian ke' jah telana' ngan kekat kelunan éh ngelan tong Kristus. Kenat péh lem kekat ha' ané ko', ngan lem barék ko' ngan tong penika ko', ngan pengelan ko' ngan pengeni'ai ko' kepéh.

Hun lu' tupat pekalai alaa' kegahang usah lu', pu'un gunah néh si'ik awah, bang hun lu' pekalai alaa' kegahang dalem kenin lu', boh éh gunah mu'un, uban pu'un gunah néh lem urip lu' hun iteu', kenat péh lem urip lu' kepéh.

Mavaa' kenin ko' ngan mavaa' ha' tebaraa' ko' kepéh. Jian ke' petem maneu' éh, uban kenat péh jalan ko' omok purip kenin ko' ngan purip irah éh menéng ha' ko' kepéh.

La'ah Sahéé' Ni'ai pu'un bara' lenaa' mu'un, sioo' tai ga' tana' adang pu'un kuraa' kelunan petat jin pengelan réh tong Kristus avéé' réh kivu kuraa'-kuraa' ha' tebaraa' sahéé' éh petawang ngan tebaraa' sahéé éh sa'at.

Jian ke' petedau tong ha' tosok kelunan éh bé' pu'un gunah nah. Jian ke' pepit gahang dalem Pengurip sebayang ko'.

Avéé' akeu' tuai kepéh jian ke' ngelayau purung Surat Tuhan ngan réh tong petipun réh. Jian ke' ngelayau bara' ha' Tuhan ngan réh, ngan nebaraa' réh tong kekat urip réh lem Tuhan.