Popular Bible Verses from 1 TIMOTIUS 1

Share

Teneng mu'un ha' iteu' ngan tekep kelunan alaa' éh ngan ngelan éh, ka' éh, Kristus Yésus tuai tong tana' teu' ke' Néh omok purip kelunan. La'ah akeu' éh pelapah sa'at jin kekat kelunan béé éh pu'un penyala'.

Na' péh kenat pu'un Allah pika akeu' dokoo' Kristus Yésus pepoléng pemekat kenin Néh ngan ké', neu' pengebit kenin Néh kenat akeu' omok jah telana' éh omok ta'an ngan kenivu kelunan ke' réh omok ngelan kepéh ngan alaa' urip pelinguh.

Éh ke' ké' nyohoo' ke' kenat dokoo' kekat kelunan omok pepit penika éh pu'un jin kenin réh éh ni'ai, kenat péh bé' pu'un ineu'-ineu' jin lem kenin réh éh omok pesala' réh uban pengelan réh pu'un mu'un tong Tuhan.

Jian Allah, Raja' éh pelinguh, éh murip pelinguh-linguh, éh bé' omok ta'an kelunan, ngan éh jah awah, tekep seneva' ngan peparen avéé' kelebéé' lebéé' néh. Amin.

Bang jian irah nesen sohoo' inah bé' éh tulat kelunan éh Jian, bang tulat kelunan sa'at ngan éh ngelapah sohoo', kelunan éh bé' jam Allah ngan kelunan penyala', kelunan éh bé' keloo' sebayang ngan éh kivu urip tana', kelunan éh mematai tamen ngan tinen ngan mematai kelunan. Kelunan éh petuyang ngan lakei' petuyang ngan lakei' irah pebelih kelunan ripen, irah éh kenyo, irah éh pané nebok. Ngan séé' séé' éh maneu' kuraa' penganeu' éh tengéé' jin ha' tebaraa' éh teneng.