Popular Bible Verses from 1 PÉTERUS 5

Share

Jian keh bara' kekat penusah keh ngan Allah uban Iah éh mihau keh.

Bang La'o keh teneng pengeketa éh metok awah, Allah tengéé' juk maneu' ka'ah sukup mu'un. Iah juk petekedéng keh, ngegahang keh ngan ngereken keh, uban Iah Allah éh matek jian kenin ngan éh lepah tebai ka'ah dokoo' masek lem kemaren Néh éh pelinguh, uban ka'ah murip pemung ngan Kristus.

Mavaa' mu'un-mu'un mai keh telalau kenin, uban Sitan éh ayau keh, iah lakau semah-semah pekua' barei' tepun éh tiwap pitah ka'ah ke' néh kon éh kenat péh Sitan. Jian keh petem dalem pengelan keh ngan ngelawan iah, uban ka'ah jam kelunan éh jah éh ngelan tong Tuhan, tipo tana', irah péh teneng pengeketa pekua' ka'ah iteu'.

Hun néh kenat jian ka'ah ngediva' kenin keh ra' ojoo' Allah éh ja'au penyukat, dokoo' Iah omok ngebau keh kepéh.

Kenat péh kepéh kekat ka'ah lemanai, jian ka'ah kivu sohoo' irah éh ja'au. Jian ka'ah béé-béé diva' kenin, nolong petolong uban pu'un jah ha' dalem surat Allah éh bara' ka', Allah ngelawan irah éh bau kenin bang Iah pika irah éh diva' kenin, ha' Néh. '