Popular Bible Verses from 1 PÉTERUS 1

Share

Jian lu' bara' jian kenin ngan Allah, Tamen Tuhan lu' Yésus Kristus! Uban Iah pika uleu' mu'un, Iah mena' urip maréng ngan lu', neu' Néh pebetéé' Yésus Kristus jin patai Néh. Iteu' omok mena' pengepelum éh reken ngan lu'. Uban kenat uleu juk alaa' kekat pengejian éh pu'un petenup neu' Allah tulat irah éh anah Nah. Kekat pengejian inah pu'un nodoo' Néh tong seruga tong retek éh bé' omok tasa', borok ngan béé péh.

Uban kenat jian ka'ah murung kenin, na' péh ka'ah teneng keta neu' penusah éh pinaa' arong hun iteu', kekat penusah inah pu'un éh metok awah. Kekat inah dokoo' pepoléng hun keh ngelan mu'un tong Tuhan hun néh bé' péh. Mas éh omok tasa' péh, penarem palaa' luten. Uban kenat pengelan keh éh pelapah jian jin Mas péh tekep penarem, dokoo' néh makin reken. Hun néh kenat, hun mah Yésus Kristus tuai kepéh, ka'ah omok alaa' kenajung, kemaren ngan penyepah jin Allah.

Bang barei' Allah éh tebai ka'ah pu'un ni'ai, jian ka'ah péh ni'ai dalem kekat ineu'-ineu' penganeu' keh. Uban pu'un jah ha' lem surat Allah, ka' éh, Jian ka'ah ni'ai uban Akeu' éh ni'ai, ha' Tuhan.

Jian keh kivu sohoo' Allah, mai keh kivu kekat pengagat dalem kenin keh barei' éh neu' keh sahau hun keh bé' jak jam Allah.

Uban néh kenat jian keh ngelayau petenup, mavaa' mu'un-mu'un ngan pu'un pengepelum penoo' tong pengejian éh juk nena' ngan keh tovoo' Yésus Kristus tuai kepéh.

Barei' ha' dalem Surat Allah, Kekat kelunan pu'un barei' ureu' awah, ngan kekat kejian néh barei' busak awah, barei' ureu' éh melayeu' ngan busak éh peleraa'. Bang ha' tebaraa' Tuhan pu'un pelinguh. Ngan ha' tebaraa' néh inah, inah éh Rengah Jian éh benara' réh ngan keh rai.