Popular Bible Verses from 1 KORINTUS 11

Share

Kenat péh la'o réh kuman, Iah alaa' sawan baa' kepéh, ha' Néh, Baa' iteu' néh seleket dahaa' ké', uban neu' dahaa' ké' pega', inah éh maneu' jajii' Allah pu'un petem. Siget koléé' keh mesep éh, jian keh mesep petesen kenin keh tong Akeu', ha' Néh. Uban siget koléé' keh kuman roti inah ngan mesep baa' inah, inah néh keh bara' Tuhan Yésus matai ngeliwah keh, pah avéé' Néh tuai kepéh.

Uban tebaraa' éh nalaa' ké' jin Tuhan, inah éh benara' ké' ngan ka'ah kepéh. Ka' éh, Sioo' merem tovoo' Tuhan Yésus penalo, Iah alaa' roti ngan sebayang bara' jian kenin ngan Allah, boh éh memila' éh. Ha' Néh, Iteu' néh seleket usah ké' éh nena' ké' ngeliwah ka'ah. Jian keh maneu' kenat dokoo' petesen kenin keh tong Akeu', ha' Néh.

Hun néh kenat jian siget-siget usah seruh tong kenin néh tengéé' tenah, boh éh kuman ngan mesep baa' inah. Uban kelunan éh kuman ngan mesep baa' inah ngan bé' nesen tong pematai Tuhan, inah iah alaa' ukum tong usah néh tengéé'.

Hun néh kenat séé'-séé' éh kuman roti éh nena' Tuhan inah, ngan mesep baa' inah ngan bé' teneng kenin seruh éh, iah pu'un penyala' ngan ngeluén dahaa' Tuhan awah.

Jian keh kivu uban ké' pekua' akeu' kivu uban Kristus.