Popular Bible Verses from 2 Korinto 6

Share

Pati wet kamo gepakikaisin de manga an gepanulusun ta an depat a naeisin i kapiyonan pati malot o i matallang pati madumos.

Pati angani gekasungdu ide a magi beloy ni Makedepat a matud pati ide a gepodi de makedepat ide a an matud ta talage a ikitam i beloy ni Makedepat a makapangyedihan ta eya pala i te sabi ni oyo, “Nátaan ok de mangának ko ta ako i nappa ni Makedepat de ta ide a pineta ko ay nappa ni taanan ko.”

Kanya, manga kabinsa, ay pesabi ni Panginoon, “Lumayu kamo dide a kumiblag a tuloy pati wet kamo nobol de madiplot dingan tatanggep ko ikamo. Ta ako ay nappa ni Ama yu ta ikamo pan ay nappa ni mangának ko.” Inon ngani i sinabi ni Panginoon a makapangyedihan de pesan.

Am pala depat a gepakikaisin kitam de Kristo be gepakikaisin kitam la de Satanas ta am pala padepade i esip ni gepanulusun pati an gepanulusun.