Popular Bible Verses from Roomaꞌ 11

Share

Otoa'. Tee ootukunung kapoo'nanka nkonung, tarenara ee'noko miru'anta. Bakaang meenasi tee' nari' otomatoaing. Ee', ee'na'.

Kumponing bakei bakaang noru' ee'noko matau aa'na' masika' ee'doonko isikung otong. Naninge bane keperuu'ke bakaang onou tasi'puarupeu' ee'noko bakaang aarumo tasi'paa'ke.

Tee' Daari Meekunge aa'pumana', “Baie Kumponing bakaang onou tasi'pui otong? Baie Kumponing koong-antaevung?”

Tee tee ee'nara tee' nari' enanavarang-koo teing ee'ning taakeng otorong Kumponinge bakaning miru'uru'ning bakaang piaa-koo okora'ario'. Teing piaa narunge nantoong bakaning tampurimaing dempariko nantoong biikaang nko-nko-koo okora'ario' bakaning tampuriauka' ai' piaa tee nko-nko-koong moo' deea'.

Enang tee koi' Kumponinge keenavaang-eta nii'ning kaumpe'nanka kente'uko dii' teing kaumpe'nanka pora'koong makosinuka tevari-koo be'nu'antaruru'ning kaakeng-eta iri' nari' nkaverii'naang. Dii'ke tee irua' koi'koong keenavaang-koong nkaverima daangantariauka' teing kente'nii'nanka-ankoi. Daangantarima deeko' noru'eriaing keenavaang-koonge kaakenge dii' pinka'duri otong. Dii'ke kaakeng pinka'eria'.