Popular Bible Verses from मर्कूस 12

Share

तमा येशूकी तीला सुङ्‍सुङ, “तेरी सिनाङ क छ्‍ये ति दी राङ यिन। ‘ओ इस्राएलकी मीतिवा, ङ्‍येना। दाक्‍पी चोवो कोन्‍छ्‍योक ति च्‍यिक राङ वोतुप चोवो यिन। ख्‍योरो तेरी सेमगी दिङ ने, ख्‍योरो तेरी मिजी ने, ख्‍योरो तेरी नासाम ने, ख्‍योरो तेरी ङार ने रङगी चोवो कोन्‍छ्‍योकला ङ्‍यिङ्‍ज्‍ये की।’ तमा क ङ्‍यिवा ति दी राङ यिन। ‘ख्‍योरो युल्‍वाला रङला दोके ङ्‍यिङ्‍ज्‍ये की।’ दी सिनाङ यम्‍बा क छ्‍ये ति मे।”

तमा येशूकी लोमातिवाला चाला कताङ्‍नी सुङ्‍सुङ, “ङ ख्‍यिराङला टेङ्‍बो सिरिन, बुल्‍वा बुलुपतिवी पर्ला दी पेर्मी युक्‍सिम तीकी यम्‍बा सिनाङ मङ लुक्‍सुङ। च्‍यिलासिसिन यम्‍बातिवा तेरीकी नोर मङ्‍मु वोतुप नेसुर लुक्‍सुङ, यिने दी पेर्मी युक्‍सिम तीकी याङ पेराङ्‍बु राङ वोसिनाङ खोरो मुला चो वोतुप ति तेरी टङ्‍गा लुक्‍सुङ।”

येशू यहूदी ल्‍हङाङकी बुल्‍वा बुलुप गामकी फेचेक चा नेसुर मीतिवी बुल्‍वा लुकुप ति ल्‍हानी ज्‍युसुङ। ते मी छ्‍युक्‍पुतिवा बङीकी टङ्‍गा बङी लुक्‍सुङ। ती पेला पेर्मी युक्‍सिम पेराङ्‍बु यी वानी सा डेवा ङ्‍यी लुक्‍सुङ।

खोला रङगी तेरी सेमगी दिङ ने, रङगी तेरी रिक्‍पा ने, रङगी तेरी ङार ने ङ्‍यिङ्‍ज्‍ये कितुप ताङ खोरो युल्‍वाला रङला दोके ङ्‍यिङ्‍ज्‍ये कितुप ति सेम्‍ज्‍येन र्‍हेनी जिन्‍बा तोङ्‍गुप ताङ यम्‍बा जिन्‍बा तोङ्‍गुप सिनाङ मङ खक्‍छ्‍येवु यिन।”

येशूकी तिवाला सुङ्‍सुङ, “कैसरकी ति कैसरला ते, तमा कोन्‍छ्‍योककी ति कोन्‍छ्‍योकला पुल।” खोकी दुक सुङ्‍गुप थोनी तिवा हलेवा क्‍यासुङ।