Popular Bible Verses from Roma 13

Share

Kai Lopia Iesu Kristo fou aga'omo fomia tiapu koa foi'iuka, ke papiau aumauni laoga maina apala kapa'ina emaaga auga ala agokapa oma auga opolaga foloafia.

Ke kai aga'o eegai foloapitole kai, alomi ko'agai aga'o aga'o animi foani auga apitole fopa'aua faefuafua. Gome kaisau alo ko'agai aufalao aga'o anina eani auga, Moses ega iifa kapa'ina fakapa eoma auga, isa ma'oai ekapa'i koa i'opoga.

Papiau ma'oai auga, papiau kapa'i isapu keafia papiau ke'ima'i au'i aina'i fekeafia. Gome ega'ina isapuga auga Deo afaepeni'i koa aisama, isa isapu afakeafia papiau afake'ima'i. Kai pau isa isapu keafia papiau ke'ima'i auga, Deo epagama puo, isa isapu keafia papiau ke'ima'i.

Gapi auga ega kina efua pau afa'agamo egani. Ega puo umina lao'i mai'i apala'i au'i amapua'afuni'i kai, eaea lao'i mai'i auga ifani au'i e'i pipaini amu'i koa amapamia'i amaafi'i.

Ke aufalao aga'o alo ko'agai papiau ma'oai ani'i eani koa aisama, ega'ina papiau'i afaepalifu'i. Ega puo kaisau alo ko'agai papiau ma'oai ani'i eani auga, Moses ega iifa alogai kapa'ina fakapa eoma auga ma'oai ekapa afe'aini'i.

Ega kainai oi kaisau kapa'ina fopeni'i auga fopeni'i paisa. Ke moni tax fooge keoma koa aisama fooge paisa. Ke moni laa'i aisama, amu tax fopamia fooge keoma koa aisama, ega'ina fokapa paisa. Ke kaisau fomani'iaina keoma auga, fomani'iaina paisa. Ke kaisau au akaiki'a fopamia keoma auga, au akaiki'a fopamia paisa.