Popular Bible Verses from Acts 17

Share

Deo ega'ina ekapai'i, ega koa papiau Isa fekekapuga eoma. Ke Isa i'a aga'o aga'o ee'aisai aakai laa'i mo ganinagai, i'a agakailai Isa agakapuga aisama, Isa gamuga afaopo, ke afaisa isafa.

Ke ufainagai Isa ifo au aga'o epagama. Ke ega'ina auga aga'omo faagagai agofa'a papiau'i ma'oai kemai, ega koa isa agofa'a fofouga alogai fekeagu eoma. Ke ega logoai ega'ina papiau'i kina kapa'iai fekemauni, fekemae, ke afu kapa'iai fekeagu auga isafa ekapaisa.

“Deo ega'ina auga agofa'a ke agofa'a alogai amu ma'oai epagama'i auga. Deo ega'ina auga Lopia, ufa ke aagoa kapa'i ma'oai inagome auga. Ke Isa papiau aumauni ima'iai Isa faugai e'a kekapa'i au'i alo'iai aeagu.

Gome Deo ifo ega logoai au aga'o ekinaga, ke kina aga'o eogeisa au ega'ina faagagai alo opai laoga mainai afa agepipeni, ke papiau e'i laomai felo, o apala auga afa agepeni'i. Ke Deo au ega'ina maeai epamaunimue faagagai, isa i'a a'a laomai felo, o apala afa agepeni'a auga iifaga ko'a mo emia.”

“Ega puo i'a Deo gauga kainai, i'a papiau aumauni opola'iai Deo keopolaga, e'i ikifa ke logoai gold, silifa ke kepoai Deo koa iisa kegauni'i au'i aisa'i Deo falapamia'i.