Popular Bible Verses from 2 John 1

Share

Aꞌ ngampwey wik ngench thayan anangan piip God.antaman ngeeyimpwey-a, an ngampiya kan-kanaman kaangk wunimp ngamparakaman. Wik inan nilan waaꞌ ngampar ngeeyanakan ngampara: ngamp yotamana kaangk anman wunāmp ngamp-ngamparakamana! Ngamp puth yotamangan wik ngench thayan inangan kan ngeeyampa aak keenkanam nathpalmana.

Nil puth Jesus Christ.angan wik nungantaman kan thaaꞌ-aath ngampang. Ngamp nathwey wik way-wayan waaꞌ-waaꞌimp thant wiyantan-a, yaa, puth ngampaniya God.an ngangk ngamparamangan keꞌam piꞌanamp nunang yaꞌa. Ngamp nathwey kan-kanaman waaꞌ-waaꞌimp wik min Christ.antam anman thonakaman-a, ngampaniy putha God.an ngangkang piꞌ-piꞌanamp nunang aꞌ putha nhengk nungantamana Jesus Christa.

Aꞌ niiyiya min-min thathān thanangana, niiyiy putha work piꞌan iiy-iiyan nungant Jesus.antana, aꞌ ngul-ngulanweya nil min paththam iiy-iiyow niiyant aak ing kenyana puth niiyan work minam iiy-iiyan nungant. Puth niiy nathwey wik thanttaman ngeeyān pam wanch way al-alantaman-a, nil puth God.an min keꞌ iiy-iiyiy niiyant aak ing kenyan yaꞌa.

Niiy kan inan ngeeyān thampa: than pam wanch yot nath ngulan iiyina thaaꞌ-aath-aathayn thanang pam wanch anangan puth an than yaan muukamathantan thanang, an than way-way waaꞌantan thanta, puth than keꞌam waaꞌantan nil Jesus Christ.an uk aak iikanakan keꞌ pam ngamp yimanangan wuna. Than yimanangan yaan muukamathantana pam wanch wiy anangana puth thananiya Christ.an ngangk-wayangam kal-kalantan nunanga, than kaangk keꞌ nungantama.