Popular Bible Verses from 1 Korinto 3

Share

Anila ju mit an chaꞌju an namati hini templo an punhitugwan Apo Jos, ti gawwacha hini Espiritun Apo Jos ay chaꞌju.

Ti achi mapfalin an maparkhan hini ne-apja an pfato an ipattu-an chi tu-ud an ma-id uchumna nu pfu-un hi Hesu Kristo.

Hotti achi khahin un mabigbig nu ngay nuntanum ja ngay nunhipfug, ti hini mabigbig ja hi Apo Jos an khun mangpahe-on hi nitanum.

Ti chaꞌmi an manudtuchu, ja un ami numpapadchung an khun munserbi ay Apo Jos. Ja chaꞌju chi mipadchung hi pajaw Apo Jos an khun mi puntamuwan. Ja mipadchung aju khu ay ni pfalay an khun pakhachon Apo Jos.

Chin arkhaw an Panugijan Apo Jos hi tatakhu, ja ma-innila hini pfalor ni en-apjan ni oha an numpakhad, ti pachaon Apo Jos hini penakhad na hi apoy nu maghob wenno achi.

Hotti ma-id nat-onan ni nangtamu hi muntanum ay ni nangtamu hi munhipfug, ti mun-oh-ohha ami ay tay tamu. Ja lagpfuwon chaꞌmi ay Apo Jos an me-okor ay ni enat chi ohanna ay chaꞌmi.

Achi ju allilagwon hini achor ju. Nu gway ohanna ay chaꞌju an mangali hi un manomnom an amat ay ni allon chi tatakhu an manomnom ja uchuꞌchuna una chuꞌkhon hitay na-inlubungan an nomnom, ja usarona hini umannung an nomnom an marpu ay Apo Jos.