Popular Bible Verses from Salmo 63

Share

Peteg di iliw ko en sik-a, Yahweh ay Diyos ko. Sin am-in ay biyag ko et sik-an inan-anap ko. Kamanak namgaan ay lota ay siyat masibogan, din ab-abiik ko et masapol nay kawadam.

Din adi manbalbaliw ay layad mo et nabanbanol mo din mismo ay biyag ko, isonga ikankantak din dayaw mo.

Idaydayaw kos sik-a engganay mapap-eng di biyag ko, kankanayon ay ikakayang kon takkay ko ay mankararagak en sik-a ay Apo.

Mailak komas sik-a sin oneg di Timplo ta ilaek din panakabalin ya kinadiyos mo.

Tan kankanayon ay wada ka ay binmadbadang, et kamanak kiyap ay sinasakokoan di oboan, isonga naragsakak ay mangikanta si inyat mo ay nangay-ayowan. Pomketak en sik-a, Apo, et ayowanam sak-en sin panakabalin mo.

Mo pay ta sin labi et ibakbaktad ko, enggana sin mapat-a et wada ka sin nemnem ko.