Popular Bible Verses from Salmo 51

Share

Baro ay nemnem di idawat mo koma, ay nadalos, baken natapian si lawa, ta say ipapasnek ko ay mansilbi en sik-a.

Ipataolim kasin din palalo ay ragsak ko begew sin panangisalakan mo. Idawat mo koma kasin din layad ko ay manongpal sin bilbilin mo.

Adi ka koma omipakaan sin kad-am, ya adim aben ipalobos ay tomaynan din Ispiritom ay Nasantoan.

Din mabalin anggoy ay idaton ko et din mangibabawiak sin basol ko ya din napakombaba ay nemnem ko, tan siya baw dana di daton ay panlaydam, Apo.

Someg-ang ka ay Apo. Begew sin komakaman ay layad mo ya din dakdake ay seg-ang mo, ponasem paabe din lawa ay inam-amag ko ta say dadlon madalosan am-in ay inpaksaw ya basol ko.

Dalosam sak-en ta makaan basol ko, ta kamanak mankikilat ay dalalo.

Madagsen kayman san basol ko ay sana, sik-a anggoy di nangamagak sina, isonga magay ipambal ko mo ibagam ay basol ko, tan pag kosto am-in din dosa ay ikeddeng mo.