Popular Bible Verses from Salmo 46

Share

“Kosto sa! Isaldeng yo!” kanan di Apo. “Nemnemen yo ay sak-en di Diyos yo. Bigbigen di am-in ay ipogaw ay sak-en di kangatoan. Am-in ay nasyon yan enak iturayan.”

Si Diyos di pankamangan ya mangipabikas en datako. Kankanayon ay bomadbadang mo waday problema tako. Adi tako ngarud emegyat ay iib-a, olay mo mayegyeg din nay ay daga ya din dontog makosokos da ay emey sin lanad di baybay ay annawa.

Ngem wada pay di ginawang ay man-ay-ayos ay mangidawat si ragsak di ipogaw sin siyodad Diyos. Man-ay-ayos ay emey sin beey Diyos ay Kangatoan ay siya din Timplo na ay nasantoan. Wada si Diyos sin siyodad ay sana, et adi nan itolok ay dadaelen da mo adi et masapsapa ay salaknibana.

Pasaldengen Diyos din gobgobat isnan lota, potlongena din gayang ya pana, din kasay abe yan pooana.