Popular Bible Verses from Salmo 30

Share

Tan sinkaattikan yan mamaga din bonget mo, ngem engganas tongpal biyag din seg-ang mo. Olay mo maninsinlabiak ay man-oga, ngem manragsakak sin kaagsapaana.

Et siya na di inyat mo, nanbalinem si ragsak din ladingit ko, isonga kinaan ko din inbabadok ay sako yan nay mansalsalaak begew sin ragsak ay indawat mo. Et siya na di pantongpalana, adiak gomiginek mo adi et enak mankanta ay mangidaydayaw en sik-a. Yahweh ay Diyos ko, man-iyamanak en sik-as eng-enggana.

Nankedawak si badang mo yan inmagas ka, Yahweh ay Diyos ko.

Mankanta koma din napodno ay ipogaw mo, idaydayaw da koma din nasantoan ay ngadan mo.

Apo, daydayawek sik-a, tan sin kateyak yan inmisalakan ka. Adim inpalobos ay din kalaban et lomaslasoy da.