Popular Bible Verses from Salmo 139

Share

Dayawek sik-a, napateg ay Apo, tan din nangamagam en sak-en et kaeetnga si pannemnem ko. Nakaskasdaaw am-in di inam-amag mo, magay dowadowak, dadlonak ammo.

Estem ay Diyos ay ilan nan nemnem ko, osigem abe din dandanag ko. Ilaem kod tan mo manturongak sin danan ay lawa, omipango ka sin danan ay manturong en sik-a.

Sik-a di namarsua sin awak ya nemnem ko, pinkem sak-en sin eges nanang ko.

tan inmisisin-eng ka idi daanak maianak. Naililista sin librom din kabibilang di agew ko, olay daan pay laeng manlogi din biyag ko.

Sik-a ay Diyos, inilam amin ay wadas nemnem ko, amin di maipanggep en sak-en yan dadlon kan ammo.

Magay mabalin si emeyak ta lomisiak en sik-a, maga polos di enak pantabonan ta adi kan omil-ila.

Ammom mo pomikaak ya siya abe mo enak tomokdo, olay mo addawi ka, ammom di nemnem ya panggep ko.

olay din nemnemnemek ay ibagak to.

Ammom mo way emeyak ya mo ibaktad ko ay man-ibbay, tan omos-osdong ka si owaoway, isonga amin di ogalik ya kabibiyag ko, iwed polos di adi kan ammo