Popular Bible Verses from Salmo 103

Share

Adiak liw-an din ad-ado ay seg-ang na, isonga dadlonak daydayawen sisya.

Pakawanena am-in ay basbasol ko ya agasana am-in ay sakit ko. Sin pese et omilislisi sisya. Bindisyonanas sak-en sin seg-ang ya layad na. Ad-ado ay pansigdan di idawat na sin inagew ay panbiyagak isnan daga ta say olay ed wani ay nakayak, kinmakaman din sigod ay pigsak ay kaman din titit ay napigsapigsa ay makwani en agila.

Idayaw ko si Diyos Apo sin am-in ay kabaelak ya nemnem ko. Idayaw ko din nasantoan ay ngadana.

Kaman din iyat di esay ama ay manegseg-ang sin anak na din iyat Diyos ay manegseg-ang sin mangipatpateg en sisya

Din basbasol tako et enggay pinakawana et palalo ay in-addawi na, kaman nan kaaddawin di belaan di agew sin kadiposana.

Si Diyos yan managlayad ya managseg-ang. Naanos ya din layad na et komakaman.

Din dosa ay idawat nan datako et mayap-ew mo is-o sin basol tako. Tan kaman din kakayang di ed daya isnan daga di kadakdaken din layad na sin mangipatpateg en sisya.

Insaad Diyos din panturayana ed daya, am-iam-in yan iturturayana.