Popular Bible Verses from Proverbio 9

Share

Din egyat ya panangipateg di ipogaw en Diyos, say poon di sirib. Din pangammoan di ipogaw en Diyos ay nasantoan et say lomaingana.

Isonga adi kan bagbagaan di ipogaw ay makalasoy, tan iliget nas sik-a. Ngem mo say bagbagaam di masirib, laylayden daka.

Bagbagaam di masirib et matapian din sirib na. Itdoam di nalinteg et matapian din laing na.

Tan begew sin sirib et omando di biyag mo, matapian si piga ay tawen.

Din mamagbaga si manlaslasoy ya sin mangam-amag si lawa et maoyaw ya mapabainan anggoy.