Popular Bible Verses from Proverbio 29

Share

Kaman kan nakna si tagdey mo emegyat ka si ipogaw, ngem mo mantalek ka en Diyos, magay pandanagam.

Mo baken si Diyos di mangiturong si nemnem di ipogaw, liw-an da din linteg. Mabindisyonan din mantongpal si linteg na.

Adi makaitpe di naong-ong si bonget na, ngem din masirib pay, ammo na ay gominek dowanan pabaewen di bonget na.

Somirib di anak ay masoplit ya mabagbagaan, ngem din mabaybay-an et ibabain dan to si ina da.

Mo bagbagaam din anak mo, paragsaken daka ya pantalnaena di nemnem mo.

Maibabain sin odi na din mangipapangato si awak na, ngem maidayaw din napakombaba.

Din nalaka ay bomonget et say mangilogi si ibaw ya ad-adoy bomasolana.

Maymayat pay laeng ay pannamnamaan di ipogaw ay magay nemnem na mo din alisto ay mankali ay adi na nemnemen omona.