Popular Bible Verses from Proverbio 19

Share

Ad-adoy planon di ipogaw, ngem si Diyos di mangipatongpal sin inkeddeng na ay mapasamak.

Din maseg-ang sin nabiteg yan kaman si Diyos di nangibolodana et gon-gonaan Diyos sisya.

Mo masirib ka, itpem di bonget mo. Kaidayawam mo palabsem di kamalin di gait mo.

Dengngem ya patiem di pamagbaga ta lomaing ka sin odi na.

Mo egyatam ya patgem si Diyos, matagotago ka, et wada abey talnan di nemnem mo ya magay lawa ay mapasamak.

Tolongam din awak mo ta man-adal ka, yan banolem din inadal mo ta somiged di biyag mo.

Soplitem din anak mo sin kakitkittoy da, tan wada pay laeng di namnama. Mo adi kan sopliten daida, kaman mon inturong daida si kateyan da.

Sigurado ay madosan to din makaetek ya mangitistigos baken tet-ewa.