Popular Bible Verses from Proverbio 15

Share

Din nainayad ay songbat et sebsebana di bonget, ngem din nasakit ay kali et sepsepena.

Din panangipateg di ipogaw en Diyos yan say somiribana. Masapol ay manpakombaba di ipogaw asi maidayaw.

Din nainayad ay kali et maiarig si kaiw ay mangidawat si biyag, ngem din sinisikap ay kali et palalo ay pansakitenay nemnem.

Magay pantongpalan di plano mo magay kosto ay pamagbaga, ngem matongpal da mo ad-adoy mamagbaga.

Maila sin ropan di ipogaw mo naragsak. Mo manladladingit, palalo abe ay madismaya.

Iilaen Diyos di amin ay lugar, et iilaena amin ay mangamag si siged ya lawa.

Maymayat di kasasaad di nabiteg ay mangipatpateg en Diyos mo din palalo ay baknang ay ad-adoy pandandanagana.

Din makabonget yan pawadaena di ibaw, ngem din naanos yan pawadaena di kapya.

Din nalinteg et nemnemenas kosto di ibaga na, ngem din managbasol yan mankali si lawa ay adi na nemnemen.