Popular Bible Verses from Roma 16

Share

Poꞌ diꞌ na mobon, loꞌaton na nog Mikpongon si Kindagow boyaꞌan motampal na nog daꞌ bayaꞌ non dianiu. Poꞌ dia sog Mikpongon kotimbul og gomigus. Dadi, og tulung nog Kounutan ta nog si Isus mongon dianiu dion.

Pigilugan, pongonion ku tokodoy dianiu nog sumboy mokpotubud amu dia sog gotowanan koyon dion nog moleg sumasow dianiu, bu mokobagla nog kopongandol niu sabap sog pikpanad nilan koyon nog daꞌ dalan sog tinabuk niu kituꞌ. Pogolig amu dianilan.

Poꞌ og gotowanan koyon, ondiꞌ dodaꞌ tumabang dia sog Kounutan ta nog si Kristu. Sugaꞌid non, piotas nilan og dili glegan nilan. Og glimbung nilan pibian nilan sog taluꞌ nog gombaꞌis pokinongogan bu pimulakmulakan nilan. Dadi, og doksuꞌan non, ain kulang pa og sabut non, mosompun kolimbungoy og pikilan non dun.

Dadi, songlitan ta og Mikpongon. Poꞌ ion moto mokpopagon dianiu sog kopongandol niu dianon bianan sog Gombaꞌis nog Guksugan paꞌali dia ni Isukristu nog pigustal u. Poꞌ koyon dumalan dosop sog sabut kituꞌ nog miobon na molimod tidu sog kobon nituꞌ. Poꞌ numun koni, pisabut na dianita. Poꞌ og dinondag nog Mikpongon nog posunon na bianan sog sulatanan nog sinulat nog polomolatasanan kituꞌ poꞌ bagun da og glam nog binonsaan tumud dun bu mokokunut dianon. Dadi, og Mikpongon solabuk da bu og kotoan non ondiꞌ kolobian. Songlitan ion bianan dia ni Isukristu asta sog daꞌ kopus non. Amen.