Popular Bible Verses from Aluki 3

Share

Azã n daan misri nẽrba wuu ko'om pʋam na, a daan mẽ mise Azezi mɛ. La Azezi daan pʋ'ʋsrɩ la Nawẽnnɛ, tɩ saazuum yo'oge, tɩ Nawẽnnɛ Sɩa sige a zuo, tɩ ba yẽ ẽ tɩ a wõn na na'adawenne. Tɩ kõa ze'ele Nawẽnnɛ yire yetɩ: «Fõn de la mam Dayʋa tɩ mam nõŋɛ la m sũure wuu. Fʋ paagɛ la mam yɛm.»

La ban tẽ'esrɩ bɛla la, tɩ Azã yele ba yetɩ: «Mam misri ya la ko'om pʋam, la nẽra n boe tara pãŋa gãnna mam sẽna, la mam põn ka masɛ tɩ m pirge a tagra bɔ ẽ. Ẽŋa n wʋn mise ya Nawẽnnɛ Sɩa, la bugum pʋam.

Tõm-ya tõon-sɛba n pa'alɩ tɩ ya teege yɛm basɛ tõon-be'ero. Da kãn tẽ'esɛ-ya tɩ Abraham n de yãma yaaba la, ya wʋn põsɛ Nawẽnnɛ sɩbgrɛ mɛ. Mam yetɩ yãma mɛ tɩ, Nawẽnnɛ tã wʋn dɩkɛ kuga wã botɩ ba lebge Abraham yɩɩsɩ.

Nẽra n põn tara lɩa a nu'usum tɩ a lʋbɛ tɩɩsɩ. Tɩ-sɛka woo n ka wɔnnɩ biɛ sõma la, a wʋn lʋbɛ ẽ mɛ, lobge bugum pʋam tɩ bugum di ẽ.»

Azã n mõolɩ se'em na ẽŋɛ wʋ Nawẽnnɛ nõtɔ'ɔsa A'ezayi n yʋʋn gʋlsɛ gõŋɔ pʋam se'em na. A yʋʋn yetɩ: «Nẽra n mõolɩ weem tɔgra ke'enke'em yetɩ: Malgɛ-ya sore sõŋa gu'ura Zuudãana, malgɛ-ya sɔa la tɩ ba tɔ tẽntẽesɩ bɔ ẽ. Palɛ-ya bɔgsɩ la wuu, sirge-ya tãnsɩ la kũnkũma la wuu, mãalɛ-ya so-gɔlma tɩ ba tɔ tẽntẽesɩ, palɛ-ya sorɔɔrɔ bogro tɩ ba naagɛ taaba. Bɛla nẽrsaalba wuu wʋn yẽ Nawẽnnɛ n ɩtɩ se'em fãagra nẽrba basra.»