Popular Bible Verses from Aluki 10

Share

Bãŋɛ-ya tɩ mam bɔ ya pãŋa mɛ tɩ ya nẽ bõnsɛ'ɛdõma, la nãnsɩ, dee yãŋɛ Asũtãana la a pãŋa wuu, la sɛla sɛla ka tã wʋn ẽŋɛ ya be'em.

Tɩ Zuudãana Azezi lerge ẽ yetɩ: «Amartɩ, Amartɩ, fõn botɩ fʋ yɛm n yɔɔra la yɛla zozo'e yelle. La bõnɔ ayɩla mã'a n de yel-kãŋkãŋɛ. Amaari looge la bõn-sõŋɔ, la nẽra nẽra kãn tã'agɛ to'oge bõn-ẽŋa a zẽ'am.»

Tɩ a lerge yetɩ: «La yetɩ: Nõŋɛ fʋ Zuudãana Nawẽnnɛ la fʋ sũure wuu, la fʋ sɩa wuu, la fʋ pãŋa wuu, la fʋ yɛm wuu, dee nõŋɛ fʋ tadãana wʋ fõn nõŋɛ fʋ mẽŋa se'em na.»

A yele ba yetɩ: «Va'am na bõnkɔɔla lagsgɔ zo'oge mɛ, la tõntõnɩba n wʋn lagsɛ bõnkɔɔla la pɔ'ɔrɩ mɛ. Bɛla ĩyã sose-ya va'am na dãana tɩ a tõm tõntõnɩba pa'asɛ tɩ ba lagsɛ bõnkɔɔla la.»

Azezi tɔgɛ bɛla kɩ'ɩlɩm dee soke ẽ yetɩ: «Nẽrba batã wã, fõn tẽ'esɛ tɩ ãne n de nẽra la tɩ fãarba yõkɛ la tadãana?» Tɩ lɔɔ karẽnsãama la lerge yetɩ: «Sɛka n zoe a ninbãalga sõŋɛ ẽ na.» Tɩ Azezi yele ẽ yetɩ: «Sẽŋɛ mẽ ka ẽŋɛ bɛla.»

Dee yãŋa yele ba yetɩ: «Sẽŋɛ-ya, yãma ãn wʋ piisi tɩ mam tõm saasaadõma tẽŋasʋka.