Popular Bible Verses from Tõoma 9

Share

Tɩ Zuudãana la yele Ananiyasɩ yetɩ: «Sẽŋɛ, mam looge ẽ mɛ tɩ m botɩ a tarɩ mam yʋ'ʋrɛ sẽŋɛ ka tɔgɛ bɔ bu-zãŋsɩ, la ba na'adõma, la Ɩsrayɛlɩ dõma mẽ.

Tɩ a lui tẽŋa, wõm kõa n yele ẽ yetɩ: «Asolɩ, Asolɩ, bẽm tɩ fʋ nãmsra mam?» Tɩ Asolɩ lerge yetɩ: «Zuudãana, fõn de la ãne?» Tɩ kõa la lerge yetɩ: «Mam de la Azezi, sɛka tɩ fʋ nãmsrɩ la.

Tɩ Ananiyasɩ sẽŋɛ ka kẽ yire la pʋam dɩkɛ a nu'usi paglɛ Asolɩ zuo yele ẽ yetɩ: «M sɔbia Asolɩ, fõn daan boe sore zuo sẽnna tɩ Zuudãana Azezi puke a mẽŋa pa'alɛ fʋ la, ẽŋa n tõm mam fʋ zẽ'am tɩ m botɩ fʋ nini le yẽta, dee tɩ fʋ to'oge Nawẽnnɛ Sɩa pãŋa.» Tɩ Ananiyasɩ n yele bɛla la, sɛla n ãn wʋ pɔgrɔ n kɔ'ɔn ze'ele Asolɩ ninum lui, tɩ a le yẽta. Tɩ a isge, tɩ ba mise ẽ ko'om pʋam