Popular Bible Verses from Tõoma 4

Share

Fãarɛ ka boe nẽra ayẽma zẽ'am, sãn dagna Azezi-krisi mã'a n tã wʋn fãagɛ nẽrba dũnia zuo basɛ.»

Ban pʋ'ʋsɛ Nawẽnnɛ ba'asɛ la, zẽ'e-sɛka tɩ ba lagsɛ la mĩim mɛ. Tɩ Nawẽnnɛ Sɩa bɔ ba wuu pãŋa, tɩ ba tɔgɛ Nawẽnnɛ yetɔga la bʋraanɛ.

Tɩ Zuudãana, lɛɛlɛ wã bɩsɛ ban zɛbrɩ tõma n de fʋ tõntõnɩba la se'em, bɛla ĩyã, bɔ tɩ pãŋa tɩ tɩ mõolɛ fʋ kõ-yẽlga la bʋraanɛ.

Ẽŋa ĩyã tɩ la gʋlsɛ Nawẽnnɛ gõŋɔ pʋam tɔgɛ yetɩ: ‹Kug-sɛka tɩ yãma mẽtba zagsɛ la, lebge la kugre n botɩ deego la tara pãŋa.›

Apɩyɛɛrɩ la Azã n yẽ bʋraanɛ tɔgra la, la di'ige nẽrba la mɛ, ban mi tɩ ba nini ka yo'oge, dee tɩ ba dagna gõn-mitba la, tɩ ba bãŋɛ tɩ ba daan boe la Azezi lɛ.

Nẽr-kʋʋŋɔ la n daan bɔ Azezi sɩra la lagɩm tara la yɛm ayɩla, la sũure ayɩla. Tɩ ba nẽra baa ayɩla ka yetɩ, ẽŋa n tarɩ sɛla la de la ẽŋa mẽŋa mã'a bõnɔ, la de la ba wuu bõnɔ.