Popular Bible Verses from Tõoma 2

Share

Tɩ Apɩyɛɛrɩ lerge ba yetɩ: «Teege-ya yɛm basɛ tõon-be'ero, tɩ ya nẽra woo botɩ ba mise ẽ ko'om pʋam la Azezi-krisi yʋ'ʋrɛ, tɩ Nawẽnnɛ basɛ ya tõon-be'ero taalɛ dee bɔ ya a Sɩa la.

La ba daan ba mõrgɛ botɩ Tõntõnɩba la zãsna ba mɛ, dee naagɛ taaba la pʋtẽ'erɛ ayɩla, lagsra dita la taaba, fiisra borborɩ dee pʋ'ʋsra Nawẽnnɛ.

Tɩ Nawẽnnɛ Sɩa daan wa'am ba wuu zẽ'am la pãŋa, tɩ ba tɔgra bu-zãŋsɩ yetɔga, wʋ Sɩa la n bɔ ba tɩ ba tɔgɛ se'em na.

Tɩ voole darɛ ze'ele saazuum wa'am wʋ kʋseb-kãtɛ wa pɩrɛ de-sɛka tɩ ba zĩ mĩ na. Tɩ ba yẽ sɛla n ãn wʋ bug-zɩlɩsɩ n pʋɩ ayɩla ayɩla zɔɔla ba nẽra woo zuo. Tɩ Nawẽnnɛ Sɩa daan wa'am ba wuu zẽ'am la pãŋa, tɩ ba tɔgra bu-zãŋsɩ yetɔga, wʋ Sɩa la n bɔ ba tɩ ba tɔgɛ se'em na.

La daarɛ woo ba ẽn lagsra Wẽnde-kãtʋm na mɛ, la taaba yiɛ, dita dee fiisra borborɩ, tara sũ-yẽlga la yɛm ayɩla, pẽgra Nawẽnnɛ, dee yẽta yel-sõnnɛ nẽrba wuu zẽ'am. La daarɛ woo Zuudãana botɩ nẽrba n yẽta fãarɛ pa'asra sɛba n bɔ ẽ sɩra la pʋam.

A yʋʋn yele tɩ Nawẽnnɛ yetɩ: «Dũnia ba'asgɔ sãn lɛm, mam wʋn basɛ tɩ m Sɩa sige nẽrsaalba buuri wuu zuto. A wʋn botɩ ya dayɔɔsɩ la ya pɔyɔɔsɩ to'oge mam yetɔga tɔgɛ bɔ nẽrba. Dee botɩ ya kɔmbɩ'ɩsɩ bɩsɛ yẽ yɛla wʋ zãasŋɔ la, dee botɩ ya bõnkɛgsɩ zãasʋm.

La nẽr-sɛba n daan bɔ Azezi sɩra la wuu daan lagɩm taaba la nõorɛ ayɩla, tɩ ba bõntarsõm lebge ba wuu bõnɔ, dee daan kɔɔsra ba lɔgrɔ la ba bõntarsõm, pʋta bɔ'ɔra nẽr-sɛba wuu n bɔɔra sõŋrɛ se'em na.

La nẽr-sɛka woo n wʋn wi Zuudãana yʋ'ʋrɛ sose tɩ a fãagɛ ẽ, a wʋn yẽ fãarɛ.»

Wẽntulle wʋn wa lebge la lika, tɩ wõrga mõ'ogɛ ãna wʋ zɩɩm na, dee tɩ Zuudãana daarɛ n de na'am kãtɛ daarɛ paagɛ.