Popular Bible Verses from Naiꞌ Mateos 22

Share

Onaim In nataah am nak, “Prenat reꞌ pentiing anneis anbi Uisneno In Suur Akninuꞌ naan nak, on nai: ‘Uisneno naan, hi Usiꞌ. Onaim hi ro he mneek Uisneno, anneis naꞌko areꞌ saaꞌ ii ok-okeꞌ. Es naan ate, hi ro he mimnau Goe piut-piut, mihiin mirek-reokꞌ Ee, ma mmeup maꞌtaniꞌ he mituin In romin.’ Prenat naan, es reꞌ pentiing anneis ma maꞌtaniꞌ nneis! Ma nmuiꞌ prenat es anteniꞌ, mnak on nai: ‘Ho ro he mneek ho aom-bian, on reꞌ ho mneek ho tuam aan kuum.’

Prenat noon nuaꞌ ein reꞌ ia, esan reꞌ naꞌuu ma naꞌbaꞌan naꞌkon kaꞌo Musa in atoran, ma Uisneno In mafefa kniunꞌ ein sin noinꞌ ein ok-okeꞌ. Tuaf ka bisa natuin fa prenat bian, karu sin ka natuin nahunun fa prenat noon nuaꞌ ein reꞌ ia.”

On naan amsaꞌ, Uisneno nfee haan askaut ma naskau tuaf amfaun, mes In npiir ma nbetis naan ahaa bian reꞌ ka namfaun fa he njair Iin na.”

Batuurn ii, on nai. Oras Uisneno namonib nafaniꞌ amaets ein, sin ka nmatsao nteinꞌ ein fa on reꞌ In ameupt ein sonaf neno tunan amsaꞌ.

Mikriraꞌ miit Kau roi mutiꞌ fua es, reꞌ tuaf anpaek je he nbaen beo!” Onaim sin nakriraꞌ roi mutiꞌ fua es neu Ne. Rarit In nataan sin im nak, “Sekau in human ma in kanan es reꞌ marunaꞌ ia?” Sin natahan am nak, “Reꞌ naan keser, prenat Roma in uis koꞌu.” Onaim Naiꞌ Yesus natoon neu sin im nak, “Karu on naan ate, amfee meu preent ii saaꞌ reꞌ preent ii in hak. Ma mfee meu Uisneno saaꞌ reꞌ njair Uisneno In hak.”