Popular Bible Verses from Impatnag 5

Share

Kinanta ladtin ba-yon kanta: “Hika a marapat mangwa nin ya-rin nilolon a papil tan manira nin sawsilyo. Nga-min, pinati ka, tan yay daya mo ay impanondon mo komi para maipag-ikon na kamin Dios, hikamin tawtawon ibat ha balang lahi, halita, tribo tan nasyon.

Anodti a pamomori lan aw-anghil ha makhaw a bosis: “Yay Kordero a pinati ay marapat poriwon ha tinanggap nan kapangyarian, kayamanan, karonongan tan kohaw, tan marapat yan mananggap galang, parangal tan papori.”

Ginwa mo kamin aw-ari tan pawpari a ma-magsirbi nan Dios, tan mag-ari kami ha kalotaan.”

Bi-sa nalngo koy pamomori nin balang pinalsan main inanawa a itaw ha langit, ha lota, ha lalo lota tan ha ambay. Halban pawpinalsa ha aytimay logar ay anodti a pamomori la: “Ibi tamo konan nakatoklo ha trono tan konan Kordero a pamomori, kaga-galang tan karangalan anggan-angga, tan dayawon yan homin anggawan ha main nan kapangyarian!”

Tongwa, wana kongko nin a-sa konlan ma-moon, “Ando ka tomangih! Bilyon mo yay anbanhagan Liyon ibat ha lipi ni Juda, a homin laloma no ambo yay Ma-milipyas a lipi ni Ari David. Hiyay nanalo koni Satanas, kanya hiya a marapat manira nin ya-rin pitoy silyo tan mamoklat konan ya-rin nilolon a papil.”